An Danaw

Nangahaylot an mga tayubtob
Nagkamang an santamariya
Kay taghiluan an danaw
Nangamatay an mga pijanga

Nuhubas an tubig
Tagkujaji an mga pagusi
Napuo an mga buaja
Tagpabuthan nan dinamita

Mag-santelmo pag-utro
Sa sirin nan ako mga damgo
Kay namadhan an danaw
Tagsujop nan imo kauhaw

Malad-ang an hangin
Nag asu an kalibutan
Nolutaw an kampana
Nahayu, nabungoy

Nan imo katampalasan
Hakug na mga katuigan.