Tilapi an ikog pag-una, pag-alima
Tilawi an lami: sagol tam-is aslom
Suka gikan sa nijog, iba, ahos, ludj-a
Isunod paghungit an tagkikilid na unod
Iduna anay sa sinilihan na sasahan
(Mas mahamot kon may balibayon)
Hinulma sa mga tudlo, sup-a an duga
Pinatunga sa mapaso na kan-on
Dakan mabusog, an kan-on hamoka
Paabongi nan sabaw, wayay usikan
(Mahal kuman an panud-an)
Ajaw hikalimti an atay sa tijan
Hamuy-hamuya
Kon may bihud, pagkarajaw, kagana!
Pagkahuman, sibsibi an uyo
Supsupa an lami nan utok sanan mata
Nan ipakilid an mga bukog-sinibsiban
Kay kan mingming ton, ngadj-an.
Subscribe to:
Post Comments (Atom)
1 comment:
ini na hehehe! da lagi! doc roland... ako ini i-blog an first fours loines as teaser hu? zimm
Post a Comment